街市檔戶「撈過界」，違規出售賀年食品！有市民發現牛池灣街市有燒味店舖售賣未經許可食品，新年糕點僅蓋上保鮮紙，甚至任由糕點暴露於空氣中，而包裝上亦無列明用料成分，擔心進食後有損健康。立法會議員狠批食環署失職，要求加強巡查執法，確保消費者食得安心。記者：陳瑋珩

有燒臘店舖售賣賀年糕點，涉違規出售未經許可食物。

部分糕點未有以保鮮紙包好。

牛池灣街市屬黃大仙區內主要購物點之一。

「新年食團年飯少不免斬料加餸，點知間燒味檔連年糕、蘿蔔糕都賣埋，咁樣『撈過界』都得嘅咩？」鄧女士近日到牛池灣街市購物，發現地下有燒味檔疑牴觸租約條款，出售各種賀年糕點。

鄧即時向店員查詢，得悉所有糕點均「有得買」，惟因擔心食物安全欠保障而卻步，「啲糕就咁擺晒喺舖頭出面，得張保鮮紙冚住、冇價錢又冇食物標籤，問完先知細嘅糕賣二十蚊、大嘅就賣四十蚊，都唔知啲食物衞唔衞生，最後都係冇幫襯！」

未見街市職員巡查

鄧不滿食環署無視問題，罔顧市民健康，「成個街市都係食環管，佢哋個辦事處就喺街市一樓，搭層電梯落樓下就見到間燒味檔，但就完全冇理過，每次買餸都見唔到有職員巡吓個街市！」

記者實地了解期間，發現店員疊起數個發泡膠箱充當桌子，放置十數盆賀年糕點供選購，部分更無包裝。每當有市民上前觀看，店員即放下切肉刀走近，熱情地進行推銷，惟一小時內卻未見街市職員巡經。

食物環境衞生署發言人表示，接獲轉介後已即時派員巡查，發現涉事街市有一售賣燒臘的檔戶違規售賣賀年食品，已向有關檔戶提出警告，強調會加強巡查及採取適當的行動。

發言人續指根據租約規定，租戶除獲指明批准售賣的貨品類別外，不得售賣其他貨品，若證實有檔戶違反租約條款，經警告後而不遵從，會向其發出警告信，如六個月內有承租人被發三封警告信，署方有權終止租約。

醫生警告「食壞人」

「如果冇用保鮮紙或者包得唔實，令糕點同空氣長時間接觸，就好易成為細菌滋生嘅溫床，儲存不當都有機會導致食物中毒！」香港醫學會會長史泰祖警告，若食物存放不當，市民進食後或有損健康，提醒市民選購前，應細心留意產品的存放位置、包裝及品質，自行評估食用風險。

本身為醫生的立法會議員郭家麒認為，食環署有責任根據規管機制嚴加執法，保障市民健康。