教育局課程發展議會鬼祟發表諮詢文件，建議中小學生需懂得認讀簡化字，「以擴大學生的閱讀面，以及加強與內地、海外各地溝通」，弊在呢個建議辣㷫不少老師，睇吓老師點同局長吳得掂投訴。

老師：又繁體又簡體，到時學生寫出「唔繁唔簡」，你話點算？

吳得掂：你係老師，你有責任教好，學多種字係好事嚟。

老師：如果個個變成半桶水，我寧願佢哋唔識簡體字！

吳得掂：有冇咁極端呀？又唔係硬性規定要教，係按需要去教！

老師：需要？我暫時覺得冇需要！繁體字都未學掂，未學行先學走，邊得呀！

吳得掂：…唔係喎，你諗吓，簡體字少啲筆畫，班學生寫少啲咪開心啲，做功課可能會快啲添！

老師：你咁講，繁體簡體通通都唔使學啦，齋學英文咪算囉，夠少啦啩！

吳得掂：呢個……唔啱國情……

第一手消息請下載on.cc東網iPhone/iPad/Android/Windows Phone Apps