政壇：防寨卡殺到　立會準爸出怪招

阿Ben話，自己有勤力做功課，希望盡快搵到適合孕婦用嘅防蚊貼，因為坊間防蚊貼都有樟腦成分，會影響胎兒發展，所以屋企連臭丸都無。郭偉強太太下個月就臨盆，佢對香港嘅衞生環境相當有信心，所以冇嘢驚。佢話依家天氣凍，屋企並無蚊患問題，所以估計寨卡病毒對家人冇大影響，但作為準父母，免不了會擔心，所以郭偉強打算犧牲自己去餵蚊。佢解釋話，孕婦體溫較高會較惹蚊，所以佢會用盡一切方法令自己體溫高過太太，例如多做運動、食辣嘢同着厚衫等等，認真搞笑。講明準備隨時造人嘅教育局局長政治助理施俊輝（Jeff），雖未有好消息，但都應該提高警覺。