政壇：余秋偉做義工考領隊牌
做洋酒生意嘅潮屬社團總會會董余秋偉（Edward），為做義工特登去考專業領隊牌！Edward話鍾意做義工，尤其係幫基層家庭嘅小朋友，幾年前為帶小朋友到外地交流，決定考領隊牌。Edward笑稱第一次入課室上堂時，同學仔見到佢咁大年紀，仲以為佢係阿Sir添！
余秋偉（右）同張兆基講到美食啱晒嘴形。
Edward話考到領隊牌後，朋友經常叫佢組團去吃喝玩樂，但佢堅持只帶團去鄉下潮汕。以為Edward最鍾意食潮州菜？錯嘞，其實佢最鍾意食日本菜。早前Edward特登去特色食肆林立嘅元朗教育路，幫襯人稱「基師傅」嘅米芝蓮名廚張兆基有份開嘅日本燒鳥專門店，燒鳥即串燒咁解。有名廚即燒即食，難怪Edward食到讚不絕口。
