水務署署長林天星日前出席食水含鉛超標調查委員會作供時，已被委員會主席指水務署成立目的係確保市民飲用安全食水，質疑該署不願「行多步」，檢驗市民家中食水係咪有重金屬。委員會主席再連番炮轟水務署失職卸責，更強行演繹《水務設施條例》，林天星辯稱容許持牌水喉匠以外嘅工人建造水喉符合法例，又質疑相關條例訂立四十年已嚴重過時，需「由頭寫過」。林天星承認水務署並無派員監督持牌水喉匠有否履行職責，坦言如每個地盤均派員監督，工作量過大，即被批評水務署推卸責任。驗水被動，又草率卸責，林天星搵全港市民健康較飛，真係唔兜佢都唔得呀！

林天星

第一手消息請下載on.cc東網iPhone/iPad/Android/Windows Phone Apps