政壇：每周之星：至叻星：防寨卡殺到 港府有「高」招

寨卡病毒威脅全球，有見及此，港府早前急召衞生部門同專家商討防疫，決定今日刊憲將寨卡病毒列入法定呈報傳染疾病，同日生效；同時，當局亦加強各口岸同邊境管制站嘅防蚊工作，遏止病毒傳入。食物及衞生局局長高永文諗出多招，防範寨卡病毒，總算有正視問題，但其實世衞傳染病專家早就關注寨卡病毒威脅，加上白紋伊蚊喺亞洲廣泛存在，港府依家先識提倡防疫，做事被動、後知後覺，實在有欠專業。寨卡病毒來勢洶洶兼且迅速擴散，港府之後真係要打醒十二分精神，以防病毒喺香港爆發，否則都唔知點收科。