富商曾文豪二女曾昭亮舊年六月下嫁較佢年長十五年嘅商場外籍高層倪嘉廉（El-Azar,Karim Naji），婚後隨即宣布造人成功，前日佢喺instagram宣布誕子嘅喜訊，仲以一張一家三口嘅獅子家庭溫馨照作為報喜，相中嘅小獅子喺父母嘅愛護下成長，佢話：「this feeling……」，藉此宣布將會好好照顧囝囝，BB名為Khalil El-Azar，曾昭亮亦喺網上開心透露「Khalil終於來臨，以你為榮。」

曾昭亮（右）同家姐曾昭怡合照。（互聯網圖片）

邢嘉倩（左）同男友齊探好友BB。

曾昭亮又上載自拍佗B照。

曾昭亮以獅子一家三口照報喜。

曾昭亮同家姐曾昭怡仲一齊合照，雖然產後不久，但曾昭亮睇嚟精神飽滿，素顏依然美麗，而剛宣布有喜嘅名媛邢嘉倩亦喺網上留言，恭喜好姊妹榮升做媽咪，仲同外籍男友Lloyd一齊到醫院探BB，兼喺病房內自拍，正好為自己準備生BB取經。

第一手消息請下載on.cc東網iPhone/iPad/Android/Windows Phone Apps