政壇：項明生搞App 助男神出「肌」
咪以為美圖係女人嘅專利，原來唔少男仔都一樣，希望將自己張大頭相執靚啲先放上網，當中包括旅遊達人James項明生。但根據佢同一班朋友嘅經驗，好多美圖Apps（手機應用程式）都只啱女性使用，男生張相P完之後往往變得「太夢幻」，皮膚太白滑，唔多夠自然。因此James早前就同友人一齊研發咗個男性專用嘅美圖App，盼滿足自己同其他愛美男士嘅需要。
項明生同友人研發咗個男士專用嘅美圖App，自己玩埋一份。
James透露，新App除咗可以整走眼袋同略調膚色，仲可以配合男士身形增加肌肉感，亦有增高及配搭唔同服飾等功能。嚟緊佢仲打算舉辦番個網上比賽，選出P圖P得最出色嘅男神做佢哋嘅代言人添！
