為咗推動公眾關注廚餘問題，中文大學喺一三年開始推行「惜食在中大」計劃。日前中大就搞咗場「剩宴」，校長沈祖堯喺致詞時話由一四年十月至去年十月期間，中大嘅廚餘量減少咗兩成。佢仲自爆，平時喺中大飯堂買飯，最鍾意福建炒飯，炒飯分量亦都「加大」咗，為咗唔想浪費食物，次次都食到滯晒，所以今年就決定要求分量減半，上月已成功減咗十磅。

黃錦星（左）同沈祖堯合製「雜菜薯蓉黃金球」。

當日沈祖堯仲同環境局局長「星星」黃錦星即場示。沈祖堯話讀書時會煮西餐，拿手菜係焗海鮮雜燴。不過，海鮮雜燴有奶又有忌廉，再加上福建炒飯都係幾油膩，唔怪得佢咁肥喇！星星就話讀中學時要同家人輪流幫手煮飯，雖然只係煮三餸一湯，但就要煮夠九個人嘅分量，難怪佢話煮嘢食無難度喇！

第一手消息請下載on.cc東網iPhone/iPad/Android/Windows Phone Apps