政壇：鄧鉅明賣樓籌利是錢
前晚喺一個慈善餐舞會見到太子珠寶鐘錶主席鄧鉅明與太太鄧宣宏雁，問到鄧生近來係咪賣物業套現一億，佢話：「睇唔好樓市，呢幾年買咗好多嘢，要買番啲健康嘢。即係有出有入先健康，只入唔出就唔健康，有少少斬獲，賺少啲，希望夠派利是，籌利是錢。」咁點樣過新年？佢話：「今年最溫馨，唔出外，陪老婆大人，佢媽媽、我媽媽喺香港過。」
鄧鉅明同太太今年齊留港過年。
其後問到身穿皮草嘅鄧太，係咪鍾意着皮草時，鄧太話：「鍾意，今日係襯番條裙。」再問如果有人勸佢唔好着會唔會放棄唔着呢？鄧生話：「唔買新，慳啲使。」鄧太補充話：「應該嘅，呢件係以前買落。」
談及立法會議員葉劉淑儀着皮草被批評，鄧太話：「嚟自養殖場嘅都殘忍，都係生命，我會注意吓。」
