政壇：大舊 梁君彥肚腩鬥一番
立法會財委會尋日休會期間，外號「大舊」嘅人民力量議員陳偉業同建制派議員梁君彥企埋一邊咬耳仔，之後仲見佢一拳打向對方肚腩，佢哋究竟搞乜鬼呢？
大舊作勢打梁君彥嘅大肚腩，原來大家都好懷念後生沒有肚腩的日子。
大舊其後澄清，其實佢哋講緊大家個大肚腩，梁君彥強調自己後生時好fit，去到中年加上入咗立法會，先搞到好似有咗咁。而大舊就自爆中四時已有五呎九吋高同一百六十磅，丙組年齡可以越級踢甲組波，九一年入立法局時腰圍約三十六吋，因此畀人叫「大舊」。佢自言現時腰圍亦只係增至三十八吋，唔算肥咗好多喎。
