政壇：梁卓偉 楊立門彈唱掀高潮
香港百仁基金日前舉行就職禮，理文造紙主席李文俊第二次連任主席，佢太太黃敏儀現身為佢打氣。香港大學醫學院院長梁卓偉及民政事務局前常任秘書長楊立門就一彈一唱，表演兩首英文歌，為晚會掀起高潮。
梁卓偉（左）為楊立門（右）伴奏，贏得唔少掌聲。
遠東發展主席邱達昌女兒邱詠麒（Josephine）都有到場，講起冬天買衫，佢話最鍾意上網買美國衫，事關平好多，尺碼唔啱寄番去換唔使另外加錢，加上不時減價，計落更平更方便。佢仲話間中會喺香港舖頭買衫，不過最怕同人逼，通常未減價就睇定先，減價時就可以直接買，唔使試。
同場仲有全國政協常委余國春及升呢做基金副主席嘅兒子余偉傑（Andrew）。近排天寒地凍，Andrew話，最緊要買件棉衲，保暖之餘，出差時放入篋都唔怕皺。
