SUN搞作:SUN官場現形記:立會捉妖記
立法會呢期陣陣陰風,怪事連連,嚇得議員膽戰心驚。公文袋「總舵主」同建掣派嘅國國決定請能讓大師出山辟邪。
國 國︰大師,我思疑係飯民作怪。
總舵主︰我思故我在,你估我係你哋建掣咩?我一心為市民服務!
國 國︰嗱嗱嗱,我「屍」故我在,仲唔係飯民鬼魂喺議事廳度搞事?
總舵主︰計我話,你班建掣得軀殼喺度,「喪屍」亂港就真!
國 國︰仲想狡辯,亂港「內鬼」一定係你哋!
(能讓大師拎出把桃木劍,狠狠地打兩位議員。)
國 國︰大師打隻「內鬼」就算,做乜打埋我?
總舵主︰立法會係有鬼,咪就係你班「懶鬼」囉,搞埋咁多無謂嘅嘢,議事喇!