四洲太子女Kennis戴凱欣進軍飲食業，將會喺農曆新年期間開設由日本引入的Blue Brick Bistro餐廳。一向甚有要求嘅佢，對食物質素要求更高，除咗請新團隊主理這餐廳外，未開業已不停叫朋友去試菜畀意見，日前佢分別請咗周汶錡、周麗淇同余安安、宣萱等去試菜，佢話：「我自己都試食咗十幾次，好彩冇肥到，最重要想食物做到最好，同埋聽吓朋友意見。」

戴凱欣（後排左）邀請好友周汶錡（前排左）同周麗淇（前排右）試菜。

Kennis透露開呢間餐廳已計劃咗年幾，佢話：「因為我哋好鍾意呢個地點，充滿歐陸色彩，所以等個地方正式開幕都等咗好耐，好多朋友一嚟到就話好舒服，口碑好好，希望開咗呢間之後，會繼續再開。」

第一手消息請下載on.cc東網iPhone/iPad/Android/Windows Phone Apps