廉政公署喺一三年破天荒立案調查前廉政專員「貪湯」湯顯明，點知歷經近三年「大龍鳳」，最後得個吉，律政司宣布檢視完貪湯牽涉嘅六大範疇指控同七項相關控罪後，諮詢英國御用大狀嘅法律意見同考慮到現存規則存灰色地帶，認為冇足夠理據將貪湯定罪，故不作刑事起訴。消息令全城大感失望，唔明點解人證物證俱在，律政司同廉署仲「放生」貪湯，質疑決定係「官官相衞」，嚴重打擊廉署公信力同本港廉潔形象，助長歪風。其實貪湯醜行罄竹難書，依家畀佢繼續逍遙飲茅台歎世界，累香港淪為「貪腐港」，唔兜爆佢點得！

第一手消息請下載on.cc東網iPhone/iPad/Android/Windows Phone Apps