行政長官會同行政會議批准向香港教育學院授予大學名銜，香港教育學院終於升格正名為「香港教育大學」，今屆畢業生更有望取得由香港教育大學頒發的大學畢業證書。《2016年香港教育學院（修訂）條例草案》下月十九號刊憲，三月二日提交立法會。正所謂「前人種樹，後人乘涼」，經過咁多個前輩努力，現任教院校長張仁良終於得償所願。佢對教院正名感到興奮，又話等教院正名「等到頸都長」，希望議員體諒教院等待十多年，「高抬貴手」通過正名。不過唔好開心得咁早，立法會依家有咁多草案積住未通過，班議員又拉布不斷，要真係正名到，都唔知要等到何年何日先掂囉？

第一手消息請下載on.cc東網iPhone/iPad/Android/Windows Phone Apps