政壇：王威信利益申報 揭示百足咁多爪
十八區區議會陸續上載區議員嘅利益申報，本身有份搞足球隊嘅元朗區議會副主席王威信，原來百足咁多爪，除咗本身係律師行合夥人之外，亦申報自己或太太喺一間放債人公司擁有股份，而翻查公司註冊處資料，該間放債人公司有多名董事，其中一人為王威信。
王威信
王威信接受查詢時指出，有關服務屬正常生意，亦擁有相關牌照，另外法律容許放債機構存在，因此唔認為有問題。
中西區區議員張國鈞，除咗為人熟悉嘅律師行合夥人，喺受薪工作一欄申報為理工大學客席講師，但喺香港冇擁有土地或物業。「傘兵」方面，暫時已作利益申報嘅係報稱任職水電維修工人嘅觀塘區議員黃子健，佢喺申報多個欄目都係空白，堪稱「一窮二白」。
