政壇：夏千福試中醫 避談政治
近期香港可謂正值多事之秋，好似極具爭議嘅《2014年版權（修訂）條例草案》、港大校委會衝擊事件等，但一向愛「做騷」嘅美國駐港總領事夏千福卻一反常態玩低調。前日佢更喺社交網站發布接受治療嘅相片，莫非最近身體欠佳而減少露面？
夏千福一次過體驗咗中藥、針灸同整骨治療。（互聯網圖片）
夏千福早前原來到訪榕光社，親身大試其中醫服務，但並唔係身體出現問題接受治療。佢一次過體驗咗中藥、針灸同整骨，果然貫徹敢於嘗試、熱愛中國文化嘅作風。不過，一次過接受咗三項治療，未知佢係咪受得住，但睇嚟佢非常欣賞同滿意機構提供義診嘅善心，賣口乖感謝每星期為老人同露宿者提供義診嘅醫師。其實夏千福上任兩年多，已先後體驗過香港飲食文化同傳統節日，今次連中醫都試咗，唔知下次仲有乜嘢「做騷」機會呢？
