尖沙咀：違泊阻落客 累的哥抄牌
「呢度有幾個上、落客位，但全部都係成日塞滿晒車，根本就埋唔到去。」的士司機鄺先生指，尖沙咀碧仙桃道及麼地道時有車輛違例停泊，阻礙的士上、落客，連累司機被檢控，「有時焗住喺馬路中心度落客，就畀人抄牌，咁就冇咗幾百蚊！就算兩邊一齊抄，都係對我哋唔公平。」
尖沙咀碧仙桃道及麼地道被指時有車輛違例停泊，致的士司機上、落客時被抄牌。
警方發言人證實，於一五年油尖警區共在碧仙桃道及麼地道附近分別接獲三十二宗及二十五宗有關車輛違例停泊或阻塞車輛的投訴，期間發出三百二十七及一千五百一十六張定額罰款告票。
鄺先生直指問題仍未見改善，促請警方日後嚴加執法，早日取締問題，以免的士司機再墮法網，「依家啲人當正嗰度係免費泊位咁，尖沙咀咁多市民同遊客要坐的士，警方有必要正視問題。」
