今個農曆新年，坐落北京道一號嘅「胡同」與OneSky基金會聯手合作，舉辦「Make Your Wish Come True」慈善活動，透過許願樹將祝福同溫暖帶畀內地有需要嘅兒童，為中國福利院孤兒實現願望。

Cara G.同老公攜手於許願樹上掛上首個願望。

活動邀請咗基金會大使混血名模Cara G.同老公Jesper McIlroy，以及著名主持人朱凱婷同家人擔任嘉賓為活動揭開序幕，攜手於許願樹上掛上首個願望。

由即日起至二月二十二日期間，賓客喺「胡同」品嘗賀年佳餚並寫低對有需要兒童嘅新年願望同祝福，親手掛喺許願樹上。活動結束後，「胡同」將抽出三位幸運兒，並以其名義捐獻OneSky基金會，將希望同祝福送到內地，喺寒冬中為佢哋送上一份暖意。

第一手消息請下載on.cc東網iPhone/iPad/Android/Windows Phone Apps