醫管局公布最新《手術成效監察計劃》報告，報告指十七間有外科部門嘅公立醫院共進行咗二萬五千多宗大型及超大型外科手術，緊急手術表現以瑪嘉烈醫院最差，屯門醫院嘅非緊急手術表現最差，第三次在此項排名包尾。有立法會議員質疑報告成效不彰，數字只為醫管局塗脂抹粉，聲稱找出問題卻無從入手改善。醫管局行政總裁梁栢賢口講加強醫護人手同埋保持醫療水準，依家公院醫療事故頻仍，手術表現亦差勁，梁畀報告摑咗一巴，再唔諗辦法救火，真係死得人多喇！
