尋日泛民主派繼續喺立法會審議版權修訂條例草案期間，瘋狂點算法定人數拉布，建制派為免流會，喺議事廳「坐定定」，一悶再悶下開始作出意想不到嘅舉措，其中建仔嘅議員陳克勤放咗一隻電影《星球大戰》嘅白兵模型，然後攞出手機影白兵解悶，佢自言係「星戰粉絲」，強調白兵唔係淘寶貨，價值八十元，莫非陳克勤見白兵「好打得」，有意召喚白兵喺拉布戰中幫手反擊？
