天花唔夠濕 滲水辦拒查
有小業主被滲水問題困擾多年，因滲水情況愈見嚴重，於數月前終向滲水辦求助，惟職員以天花濕度低於百分之三十五為由拒絕跟進。經本報轉介後，職員再次調查，雖指相關位置的濕度仍未達調查標準，但期間卻發現天花另一處出現滲水，始到上層懷疑涉事單位做色水測試。立法會議員批評滲水辦做事「死板」，要求檢討調查標準及技術。記者黃凱翎報道
近日有大塊石屎從磚牆跌下，陳太慶幸「避過一劫」。
閣樓天花多處批盪剝落及露出鋼筋。
為免因滲水造成損失，陳太須以竹蓆蓋住物品。
「個天花好多度都滲水，又甩灰同露鋼筋！有次搬嘢嗰陣撞一撞個門框，就跌咗塊石屎落嚟，好彩冇整穿頭！」陳太在油麻地經營玉器生意，閣樓一直用作存放雜物，約六、七年前開始，閣樓天花出現水漬及有石屎剝落，但一直未有調查原因，僅自行聘請師傅修補。
陳太表示，近月滲水漸趨嚴重，電箱周遭亦開始有滲水迹象。擔心再次發生塌石屎意外，故向滲水辦求助，「佢哋度過之後話乾，話天花濕啲再搵佢哋，係咪要濕到冧嘢落嚟先處理？」其後陳太為地舖裝修，始發現牆內「又濕又霉」，「原來嚴重到滲埋落下面嗰層，我哋最近仲日日喺閣樓做嘢，真係愈諗愈驚有嘢冧落嚟！」對於部門的跟進態度，陳太極感失望，更不滿部門未有積極調查。
僅少數個案能解決
滲水辦發言人表示，曾於去年九月接獲投訴並派員到上址調查，結果顯示該單位閣樓天花濕度低於百分之三十五，遂回覆投訴人不會跟進有關個案。而接獲本報轉介後，職員再往上址調查，相關位置濕度仍未有超過百分之三十五。
然而，職員調查期間，發現天花另一處出現滲水情況，遂於當日到上層其中一個懷疑涉事單位的排水系統進行色水測試，現正等候測試結果。由於另外一個懷疑涉事單位無人應門，職員遂在該單位張貼「擬進入處所通知」，要求有關佔用人與該處聯絡，以便進行調查。
「如果只係睇濕度有冇百分之三十五，而唔睇係咪有滲水問題，咁樣太過死板，希望佢哋檢討做事作風，下定決心幫市民解決問題！」立法會發展事務委員會委員麥美娟指出，現時只有少數滲水個案能成功解決，導致市民對滲水辦失去信心，認為滲水辦必須檢討所使用的標準及技術。麥又建議，除張貼有關通知書於懷疑導致滲水單位外，亦可加強主動巡查，以盡快聯絡屋主調查事件，協助苦主解困。
熱線3600 9988
電郵 socserv@on.cc
傳真3600 9900
WhatsApp/SMS 6500 6500
來函請寄：香港大埔工業邨大昌街23號東方報業中心東方報業集團投訴組收
個人資料絕對保密
匿名投訴恕不處理
逢星期一至五見刊
