政壇：楊全盛嫌Miss唔靚 冇搞師生戀
近日師生戀再一次成為全城熱話，勾起唔少人兒時嘅回憶。香港軟件行業協會會長Eric楊全盛尋日出席一項活動時自爆，自己讀書嗰陣，阿Sir（男教師）就樣衰，Miss（女教師）又唔靚，啲同學因此唔會鍾意佢哋，反而自己同學之間就「搞嚟搞去」，因此冇親身經歷或見證過師生戀。
楊全盛自爆讀書時同學之間「搞嚟搞去」，但冇搞過師生戀。
Eric又透露，佢讀書時啲男同學大多數封周慧敏係女神，佢自己就鍾情「小恩子」黎瑞恩，但呢位女神已喺佢心中幻滅。點解呢？皆因小恩子後來嫁咗畀現任中總副會長曾智明，而曾智明係佢嘅好朋友，即係女神做咗佢阿嫂，自然乜嘢幻想都冇晒嘞！
