政壇：鬍鬚曾借跌市 唔撐退保
政府退休保障諮詢正在進行，支持反對陣營討論得火紅火綠，身為政府大掌櫃嘅財爺「鬍鬚曾」曾俊華尋日發表網誌，疑借跌市反對無經濟審查嘅全民退保，多次強調如退保安排未能持續應付龐大退休金支出嘅話，將會為日後帶來很多難題。
曾俊華
鬍鬚曾尋日以題為「穩打穩紮」發表最新網誌，談及回報多為正數嘅「一月效應」，踏入新一年似乎暫時冇應驗，並指唔少專家學者都對今年經濟不表樂觀。
其後佢提出對退保嘅睇法，指本港股市受環球市場波動嘅影響，強調政府唔係過分保守，亦無刻意誇大未來嘅負擔，只係公共資源從來唔係取之不竭，希望退保安排喺財政上必須嘅可持續性，而喺呢個前提下，各方有空間討論點樣推出針對性措施，幫助真正有需要嘅退休人士。
