城中鏡：楊永仁自爆16歲發星夢

恒發洋參主席「洋參大王」Matthew楊永仁，舊年又搞多瓣，做埋證券行老闆。佢話生意同人生一樣，應該乜嘢都要試吓，仲自爆十幾歲嗰陣，入過電視台藝員訓練班，當年連「十八區業餘歌唱大賽」佢都參加過。

楊永仁話依家最緊要專心發展自己嘅事業。

原來Matthew以前有過明星夢。佢十三歲輟學投身社會，十六歲開始，就挑戰想入娛樂圈，除咗入過電視台藝員訓練班，十八歲仲走去參加埋「十八區業餘歌唱大賽」添。邊屆？就係張學友攞冠軍嗰屆，即是一九八四年。

冇做到明星，但做咗老闆，佢話覺得無所謂，當攞個經驗，依家最緊要專心發展自己嘅事業。