話說發展局局長「波波」陳茂波尋日出席立法會大會，回應議員就公眾地方設置飲水機嘅口頭質詢，其中佢提到飲水機設有「過濾蕊」，聽到大家一頭霧水。

陳茂波

波波話政府設施內供公眾使用的噴射式飲水機有一千二百六十三部，當中康文署佔九成八，政府設施內供公眾使用嘅非噴射式飲水機則有一百一十四部，以社會福利署佔最多。雖然飲水機數目唔少，但當局唔會定期抽取政府設施同商場內嘅飲水機水版樣本，因噴射式飲水機設有「過濾蕊」或紫外光消毒，而非噴射式飲水機嘅合約已訂明須合乎香港法例同標準。

工聯會議員郭偉強就認為當局只跟從指引進行飲水機保養，質疑當局無監管水質安全標準。波波就重申飲水機有「過濾蕊」或紫外光消毒，而且在三個月或半年內更換，能夠保證飲水機水質安全可用。

立法會主席曾鈺成喺波波發言後話，相信草花頭加個心字（芯）嘅讀音係「心」，而草花頭加三個心字（蕊）先讀「裔」。波波耐心聽主席賜教，面懵懵話：「多謝主席」，相信波波今日又長知識嘞！

第一手消息請下載on.cc東網iPhone/iPad/Android/Windows Phone Apps