政壇：楊雪盈包裝形象最揼本

楊雪盈選舉期間曾聘請一間曾獲獎嘅本地設計公司，為佢設計唔同宣傳品和拍攝，包括海報、橫額、小冊子等，未知是否與楊雪盈畢業於中大藝術系，對設計特別有要求有關連。佢嘅選舉總開支逾四萬八千元，但佢得到嘅捐贈就有二萬八千元，有關捐款來自八人，其中一名為「陳健民」，更同佔中發起人陳健民同名。

至於立法會、區議會「雙料議員」區會選舉申報方面，西貢區議員范國威及油尖旺區議員涂謹申嘅選舉開支都逾五萬元，高於多名建制「雙料議員」，舉例指新任灣仔區議員謝偉俊嘅選舉總開支約三萬八千元，並翻用唔少舊物資，如吹氣超人公仔和超人紙牌等。