城中鏡：趙曾學韞再添孫 生日最大禮物
大慈善家趙曾學韞喺酒店舉行壽宴，慶祝踏入七十一歲生日，趙太事先通知所有出席嘅賓客唔好送禮，佢話：「不過今年囡囡（趙汝泟）幫我再添外孫女，係最大禮物，剛剛滿一個月一個星期，依家共有十一個孫。」佢嘅生日願望係希望世界和平、家庭幸福同子孫孝順，孫兒會上台合唱同送畫畀佢。趙太做慈善三十多年，人生貢獻三分二時間做慈善，稍後會組織退休護士，組織志願護士照顧行動不便、有需要的人士。
林文龍（左一）一家出席趙曾學韞（左三）壽宴。
藝人郭可盈同林文龍帶同女兒林天若出席壽宴，林文龍透露女兒下月六歲生日，郭可盈讚女兒很乖，唔會扭買玩具。會唔會為女兒搞百萬生日會？林文龍話唔好將注意力放喺錢度，唔好勢利。
