政壇：至叻星：電動巴落地 王倩儀智減污染

為咗推廣環保，政府撥款一億八千萬元資助專營巴士公司購買單層電動巴士，而首批政府資助嘅電動巴士早前已陸續投入服務。率先「落地」嘅係由內地購入嘅單層電池電動巴士，吸引多名巴士迷同市民試搭，但毀譽參半。有巴士車長直言電動巴士「畀油快啲，起步力好犀利」，但亦有乘客批評冷氣唔夠、防霧功能差，而且上斜停車時會溜後。香港空氣污染問題嚴重，環境保護署署長王倩儀積極推動電動巴士進港，減少污染，無可厚非，但依家政府資助只係誘因，長遠嚟講，鼓勵企業自發推動環保，都係要再諗多啲計！