美孚：煙蒂箱壞鎖 食署懶維修
居於美孚的劉先生指出，食物環境衞生署於荔枝角道鄰近港鐵美孚站外的行人過路處設有煙蒂箱，惟鐵門出現損壞情況，「把鎖壞咗鎖唔到，用啲繩綁住就算，又唔見食環署派人嚟整，究竟食環署點做嘢？」
煙蒂箱門鎖損壞未有維修，僅以繩索繫於欄杆。
食環署發言人表示，接獲轉介後派員巡查，發現有舊式煙蒂箱損壞，已安排街道潔淨服務承辦商移除該煙蒂箱，並放置一個新設計的座地煙蒂箱，供市民使用。該署會繼續留意上址情況及採取適當行動。
「其實呢啲箱成日都壞，食環署係咪要改善吓設計？」劉先生認為食環署除加強巡查確保設施運作正常外，亦應改善設施的設計，選擇耐用性較佳的設施。
