城中鏡：丘雪祺時裝騷展中國夢
時裝設計師丘雪祺早前為離島扶輪社周年慈善晚宴特別設計咗一場時裝騷，展示名為China Dream嘅新作，呢次時裝騷清一色採用外籍模特兒，取其中西合璧的意思，最特別嘅係，佢請來唯一一位東方面孔行壓軸，對方出場時，全場歡呼聲此起彼落。
丘雪祺（右二）設計嘅時裝騷，採用外籍模特兒。
丘雪祺話：「今次好特別，請咗該社嘅社長Anita鄧鳳賢行壓軸，幫佢設計咗一件單肩中西合璧設計嘅旗袍，佢喺我心目中係好型嘅時代女性，佢第一次行騷，出場時全場起哄，有人吹口哨，氣氛高漲。之前喺北京上咗個國家行政學院課程，對中國文化了解多咗，覺得中國夢唔止係中國人嘅夢，全世界嘅人都有呢個想法。」問到會唔會加入該社做會員時，佢直言有被邀請，要先安排好自己嘅時間，再作決定。
