政壇：永隆兩Banker 前後腳遊埠
聖誕加元旦長假，梗係外遊好時機，Banker忙完一輪都會趁年底抖下氣，永隆銀行助理總經理兼零售銀行部主管Derek鍾少權同永隆司庫Terry蕭啟洪就前後腳放大假。
蕭啟洪準備飛去澳洲悉尼倒數。
雖然今年天氣好暖，Derek趁聖誕都去咗東京同輕井澤滑雪，過白色冬日，而且喺東京Shopping大有斬獲，近日至啱啱復工。
至於Terry今日就準備飛去澳洲悉尼倒數，然後去塔斯曼尼亞呼吸新鮮空氣。Terry仲要臨飛前，特登約埋傳媒朋友見一面，分享下明年大勢先出發，認真有心。
