政壇：黃進達慰妻 四度遊韓
康泰旅行社董事總經理黃進達（Jason）早前當選新一任旅遊業議會主席，之後仲做埋爸爸，雖然嚟緊一年工作將會好忙碌，但佢知道太太佗Ｂ佗咗咁多個月相當辛苦，所以計劃明年四月左右，等太太坐完月之後，就會陪太太去韓國歎番幾日慰勞吓喎。如果去得成，Jason一年內足足去咗四次韓國。
黃進達因為南韓爆發新沙士，今年前後已去咗當地三次。 （受訪者提供）
Jason笑言太太好鍾意韓風，而佢間中都會煲吓韓劇，了解吓當地最近興啲乜，因為做旅遊業唔可以同潮流脫節喎。佢又話，一年會飛東南亞國家好多次，好似韓國咁，當地爆發新沙士前後已經去咗三次，嚟緊同太太將會去第四次嘞。
至於未來一年嘅旅遊業發展，Jason知道明年將會有更多大型郵輪在港停泊，預計會帶來過萬旅客人次，但同時佢哋亦要諗辦法處理有關人潮同重塑香港旅遊嘅吸引力。
