呵……呵……呵，聖誕老人來了，忍住笑呀！支聯會副主席蔡耀昌前日參加遊行，為咗配合聖誕節呢個特別嘅節日，佢着住件用唐裝鈕扣嘅中西合璧聖誕老人衫，不過，呢個「聖誕老人」似乎衣不稱身，因為衫袖超短，佢着喺入面件黑色衫袖都暴露晒，唔通係特別訂製嘅至潮配搭？

蔡耀昌呢件聖誕老人裝係已有十年歷史嘅「古董衫」。

蔡耀昌話，呢件衫係支聯會資產，有十年歷史以上，佢不時都要負責着上身，點知着着吓，衫袖愈來愈短。佢覺得自己無理由會再增高，相信係件衫縮咗水，至於唐裝鈕扣，就係貪平買國貨，所以先咁特別。件衫縮晒水都要繼續着，唔通支聯會真係窮得咁緊要？定係為咗支持環保呢？

第一手消息請下載on.cc東網iPhone/iPad/Android/Windows Phone Apps