下嫁百億澳門製衣業太子爺嘅模特兒徐綺雯，現懷有五個月身孕，尋日宣布腹中塊肉係仔嚟，懷孕至今佢依然面尖尖（圓圖），身形窈窕，令人羨慕。佢笑言其實已增磅達十磅，幸好長胎不長肉，今年唔再係二人世界，同腹中嘅BB共度平安及聖誕夜，佢話：「今個聖誕有『小湯圓』陪我哋，以前呢個時候已經去旅行周圍去，今年要乖乖，平安夜老公負責煮飯，聖誕同朋友開home party，留喺香港過節。」
徐綺雯為安胎，今年乖乖留港度聖誕。（受訪者提供）
