機場第三跑道項目一直畀人質疑回報率偏低，但機場管理局早前公布三跑嘅詳細融資安排，不但指項目喺財政上可行，更稱將三跑內部回報率估算，由早年嘅百分之三調高至百分之八。而行政總裁林天福仲承諾即使三跑超支，機管局都會「一力承擔」，唔使向政府申請撥款。但若果項目日後資金不足，需要「填氹」，就唔排除會延長徵收機場建設費同暫停向政府派息。其實，三跑咁大個工程，當然係要花費好多嘅人力物力，林天福梗要度掂條數啦。
