俗語有云，見名如見人。尋日掛牌嘅中國恒石，雖然係做風力發電嘅風機入面啲葉片嘅玻璃纖維，不過因為公司名叫「恒石」，所以喺上市儀式送咗個雕刻精緻嘅「青天石」畀港交所。

齋睇張毓強（右）送畀港交所呢舊「青天石」，包你估唔到佢哋做乜生意。

點解送舊石？主席張毓強話希望公司未來發展可以「堅如磐石」、「堅不可摧」咁話。中國恒石依家係全球行內三大，張主席豪言壯語話要做到全球最大，所以嚟緊兩、三年產能會有雙位數增長。

講到咁「堅」，咁首掛股價又點先？尋日收市價2.18元，一手賺60蚊，守到招股價2.15元之餘，仲有1.39%升幅！

第一手消息請下載on.cc東網iPhone/iPad/Android/Windows Phone Apps