政壇：「山泥」發貼 發展局亂抽水

發展局喺社交網站以「我們的起點」為題發貼，指香港喺一九七六年受風暴愛倫吹襲，全港多處發生山泥傾瀉，其中秀茂坪邨附近嘅填土坡喺大雨中塌下，造成十八人喪生二十四人受傷，及後政府成立「土力工程處」管制斜坡設計、建造及維修，而目前「長遠防治山泥傾瀉計劃」下，土木工程拓展署亦每年鞏固一百五十個政府人造斜波等，保障公眾安全。

之不過有網民話今次深圳「山泥」傾瀉事故同香港當年情況有別，前者涉及人禍居多，後者則係天災，就此發展局社交網站管理人員留言話，任何悲痛災難都無人希望見到，最重要係建立良好制度，防範災害發生喎。