話說食物及衞生局局長高永文早前參加一項長跑活動開幕禮時不慎向前仆倒，搞到血流披面，要休息成兩個星期，尋日首日返回政府總部復工。之前血淋淋嘅右邊面，經過縫針同休養後已經埋晒口，但近睇仍見到佢嘅額頭、眼角、鼻翼同嘴角位置有些少紅腫，再加上可能啱啱起身，局長扑咪時有啲神情呆滯。不過，當記者問到佢有關自願醫保、流感高峰期等醫療問題時，佢答得頭頭是道、相當熟書，好明顯冇跌親個腦，希望佢盡快完全康復喇！
高永文嘅右邊額頭、眼角、鼻翼同嘴角位置仍有些少紅腫。
