政壇:黃進達忙到震 冇閒湊B
新任旅遊業議會主席Jason黃進達可謂雙喜臨門,今個月初當選主席後幾日,即升呢做爸爸,重八磅嘅囝囝好似趕住出世恭喜佢咁。
黃進達雙喜臨門,但就忙到飛起。
但Jason就似乎忙唔切,佢自爆囝囝出世兩個禮拜,一直冇時間幫手換尿片同餵奶,亦未搵師傅幫囝囝改名喎。
Jason話家族改名要跟族譜,囝囝呢輩要用「光」字,依家起碼知道囝囝中文名叫「黃光X」,但自己就未有時間諗,遲啲先再搵師傅求教。雖然佢將改名重任交畀師傅,但就堅持囝囝英文名一定係J字頭,即係同自己嘅英文名字頭一樣。
至於將來會唔會要求囝囝做埋旅遊業,佢呢頭話會畀囝囝乜嘢都試吓,但嗰頭又說話唔定會學父親黃士心一樣,捉個仔入去旅行社打吓工喎!