政壇：譚姜美珠請長者遊台圓夢

唔少慈善團體都幫人圓夢，有時長者嘅願望簡單到令人難以置信。早前博愛醫院獲贊助包機請長者到台北玩，博愛主席Winnie譚姜美珠即刻請轄下社會服務機構幾十位長者一齊去一日遊。Winnie話團友之中有一位盲人長者，佢嘅願望就係想感受吓坐飛機嘅滋味。

湯修齊（左）同蕭何元鳳（右）支持譚姜美珠（中）助長者圓夢。

早幾日Winnie出席一個為博愛籌款嘅晚宴，同場仲有博愛醫院永遠顧問Henry湯修齊同總理蕭何元鳳。Winnie話今次行程令佢好感慨，因為見到好多感人故事。最動容係有一位婆婆見番住喺台灣嘅家姐，兩人已分隔三十幾年。

Henry見Winnie咁上心幫長者圓夢，直言好開心，因為佢喺博愛主席任內推出「長者夢想成真」計劃，知道好多長者嘅願望其實唔高，呼籲各界多啲關注長者。