運署亂規劃 百客逼出馬路

「最犀利試過同差唔多一百人逼喺度等過馬路，十足沙甸魚咁！仲差啲逼到出馬路，如果咁啱有車行過，真係命都冇！」李先生每天乘搭巴士往灣仔區上班，需要於告士打道近舊灣仔警署的巴士站落車，惟該站巴士路線多，經常有數輛巴士同時落客，以致有近百人在等候過路，擠得水洩不通。李認為巴士站位置太窄，難以應付人流，質疑運輸署有規劃失當之嫌。

促遷移部分巴士線

李續指，上址設有兩個過路處供市民落車後橫過告士打道輔助道路，近行人天橋的過路處設有紅綠燈及斑馬線，但因為與落車位置相距較遠，較少人使用，「仲有另一個過路處近落車位置多啲，好多人都喺嗰度過馬路，但反而冇過路燈，搞到成日要同啲車爭過馬路，真係好危險！」李不滿當局罔顧市民安全，希望能重新規劃巴士站及增加過路設施。

運輸署發言人表示，根據記錄，由一二年至一四年，上址共發生三宗輕微交通意外。發言人指，上址兩個行人過路處於早上繁忙時間能有效地疏導橫過告士打道輔助道路的人流，另強調現時有關的燈號控制行人過路處位置適當，亦較為接近興建中的行人天橋升降機，故未有計劃將該過路處遷移至其他地方，而在近距離範圍內額外加設燈號控制的行人過路處亦會對交通造成影響。另外，若不准個別巴士路線使用該站，相信會對乘客造成不便。

「個站逼到密晒，可見嗰度其實容納唔到咁多人。」灣仔區議會發展、規劃及交通委員會委員鍾嘉敏檢視上址巴士站人多擠迫的相片後，直言擠迫情況「幾恐怖」，建議運輸署深入研究，評估遷移部分巴士線的可行性。就過路處的過路設施不足，鍾認為「嗰條內線交通都幾繁忙，車又行得快，既然畀人喺嗰度過馬路，就應該諗吓加番啲設施保障市民，例如斑馬線。」鍾嘉敏促請當局就上址行人過路安全進行檢討，並且採取改善措施。