乜嘢叫做有麝自然香？睇吓東方報業集團旗艦網站「on.cc東網」咪知囉，特別係全新三合一東網APP華麗登場後，反應空前熱烈，下載量同瀏覽量雙雙激增，成為全港之最，都咪話唔巴閉！

係人都知，「上東網，知天下」，東網新聞最快最多最新，圖文影片並茂，真係令人愛不釋手o架。根據機構調查顯示，東網唔止係全港瀏覽頁次最高、讀者逗留時間最長嘅新聞網站，全新東網APP推出後，下載量仲倍增添，證明讀者眼睛係雪亮嘅。

咁又係吖，只要一APP在手，隨時可以輕鬆切換東網港澳、東網大陸、東網台灣版面及選擇繁簡體字，兩岸四地以至國際大事盡在掌握之中，既方便又快捷。仲有呀，新增嘅推播通知選收功能，畀讀者自行選擇接收邊類型資訊，鍾意響鬧通知又得，鍾意靜音亦得，各適其適。

話時話，資訊發展日新月異，東網APP亦與時俱進，積極發展直播，令讀者猶如置身現場一樣。呢，好似日前電視台舉辦嘅《萬千星輝頒獎典禮》咁吖，視帝視后競爭激烈，東網即時報道賽果，網民都大讚夠快夠貼，啲相又靚又多。尤其係實力派藝人韋家雄奪得最佳男配角，短短幾小時已有數十萬讀者瀏覽，仲紛紛留言力撐佢實至名歸添。至於轟動全城嘅慈雲山車房巨爆案，同埋西貢綁架案女事主羅君兒記者會等重大新聞，東網都係即時同步直播o架。

東網嘅好處又點止咁多吖，都市人愈來愈注重健康，東網有關健康嘅資訊深受讀者愛戴，早前一則洗濕頭瞓覺致面癱嘅報道，就吸引逾百萬讀者瀏覽。最令人讚不絕口嘅係，東網成為港超聯同埋六合彩獨家直播嘅網絡媒體。所以話啫，東網資訊包羅萬有，要乜有乜，緊貼東網包冇蝕底！

正所謂，英雄所見略同，東網APP唔止獲得一般讀者激讚，城中名人同樣拍爛手掌。好似港鐵候任主席馬時亨咁，大讚東網APP集齊大陸、港澳及台灣新聞，而且可以直接轉到東網Money 18 APP，啱晒佢呢啲大忙人咁話。名模熊黛林就最欣賞推播通知靜音功能，認為夠晒貼心喎。

總而言之，讀者嘅支持，就係我哋進步嘅動力。喺下載量同瀏覽量屢創高峰嘅同時，東網必定精益求精，力臻完美，源源不斷為讀者送上驚喜，大家記住多多捧場呀！