城中鏡：黃夢瑩開咖啡店教追夢

香港青聯前副主席Monin黃夢瑩有新搞作，佢最近同一班朋友合資開設首間社企咖啡店OXONS，店舖位於剛開幕嘅香港專業進修學校馬鞍山校園內，夠晒特別。點解會開咖啡店呢？Monin話早前聽港專校長陳卓禧講起校內仍未有食堂，於是佢就組班參與競投，結果憑結合社企同教育理念打敗飲食集團，仲用咗三個月時間趕工落成，過程好辛苦。Monin話希望用呢個平台教年輕人實現夢想，咁啱港專嘅咖啡調製師課程一向好多人報讀，經常需要搵咖啡店僱主開放畀學員參觀及實習調製，OXONS近在咫尺，梗係義不容辭啦！