城中鏡：徐家傑師徒出訪受歡迎
古泰拳徐家傑大師，詠春梁挺博士同香港武術界十大宗師獲邀出席仰詠春拳聖祖梁贊尊師鶴山訪問團， 隨團仲有儒教總會等重要人物。同武術界有關嘅重要活動，徐師傅當然帶愛徒「小白」白健恩一齊去，小白跟隨徐師傅苦練古泰拳多年，能夠有機會到訪詠春梁贊尊師嘅故居，非常興奮。小白同徐師傅更喺李小龍銅像前大擺姿勢，一眾遊客粉絲影相，兩師徒任影唔嬲，小白即場施展腿功，在場遊客拍手歡呼。
徐家傑大師（右）大讚愛徒白健恩腿功好。
徐師傅一向對小白愛護有加，大讚小白身體柔軟度夠，有節奏感，腿功好，係學武好材料。愛徒學有所成最感欣慰，得知小白被馬天樂師傅力捧，除咗喺電影《功夫之王》做男主角外，亦積極教小白各種武術。
