向來有百變樓神之稱嘅長實地產執行董事趙國雄，近年每逢聖誕都會率領集團一眾營業部高層粉墨登場，以最潮扮相製作趣怪聖誕卡送畀傳媒友好一齊普天同慶，尋日啱啱收到趙樓神今年新鮮滾熱辣嘅聖誕卡，果然不負所望又帶畀大家無限驚喜，一向緊貼潮流嘅佢，今年梗係食住星球大戰熱潮以戲內角色影大合照（圖），造型都幾維妙維肖。不過，同趙樓神同公關大員傾開，佢哋都擔心日後版權條例生效後，仲可唔可以繼續扮嘢發揮創意？
