遊樂場爛晒 房署扮盲

「成日話玩對小朋友成長好重要，但條邨啲遊樂場個個都爛晒，封住又冇人整，根本冇地方畀佢哋玩！」深水埗富昌邨居民盧女士指出，富悅樓及富韻樓對出相對大型的遊樂設施均有損壞，圍封多時卻未有維修，邨內剩餘少量「未爛」的設施又不敷使用，致不少邨內孩童「有得睇冇得玩」，「條邨咁多小朋友，放學時間好多人會落嚟，依家得番少少設施，夠幾多人玩？」

「有時我見啲小朋友唔想無得玩，就算圍住晒都爬入去玩，啲膠邊爛晒會(金界)手都事小，一陣成個滑梯冧咗砸親人就大件事！」盧又指富萊樓對出的滑梯及鞦韆被拆走多時，但一直未再重新安裝新設施，只於地上張貼「損毀待修」的字樣作罷，質疑房署以損毀為名，削減設施為實。

房屋署發言人指出，於今年六月及八月巡查時發現遊樂設施出現損壞，富萊樓遊樂場設施已使用十多年及保養期已完結，因此決定拆除該設施，並正商討重置細節。而現時亦就富悅樓及富韻樓外的遊樂場設施整體狀況、居民對休憩空間及康樂設施的訴求等因素，研究是否繼續維修、拆除或重置有關設施。

發言人承認過去兩年共接獲三宗有關投訴，但強調一直關注遊樂場的情況，除定期檢查及維修，亦有聘用獨立安全顧問每兩年為遊樂設施作出安全檢查，並圍封出現損壞的遊樂設施，職員巡邏時亦會繼續留意安全情況。

承建商被禁承標淪爛攤子

不過當區區議員梁文廣卻踢爆，負責維修的承辦商早前涉及刑事案件而被禁止承標一段時間，設施已長時間未作定期保養及維修，「房署要搵到另一個合資格承辦商先可以做維修，但依家未有公司肯接手，變咗依家啲遊樂場都荒廢晒。」

梁更直斥房署未有就事件適時調撥資源為居民更換設施，要求該署正視問題，為居民提供安全的社區環境。梁又促房署加強對承辦商的監管，日後清晰檢查每間公司的背景及往績，以防再次出現設施「爛尾」事件。