人稱「廢鑊」嘅食物及衞生局前局長「周一鑊」周一嶽，早年「翻閹」出任平等機會委員會主席，繼續挑起連串風波爭議，包括推動檢討及合併四條反歧視條例，被指偏頗及越權，佢尋日出席財經界舉行一個研討會，自爆早前參加一個同志婚禮，並稱佢兩個女兒都好贊成佢推動同志平權，但係周一鑊一心以為女兒會稱讚佢「Good Job（做得好）」，女兒竟然話回應「Daddy It's too late.（爸爸，這是太遲）」。周一鑊畀女兒寸爆，相信佢自己都始料不及。

周一嶽

講番尋日個論壇，除咗周一鑊作為香港代表出席，仲有財經界唔同投資銀行嘅同性及跨性別支持者參加，另外仲有美國、澳洲嘅維權專家作為論壇嘉賓，其中於世界各地組織企業推動同性及跨性別工作嘅代表話，好多數據顯示於兩性平等嘅工作環境中，員工多數都會開心啲，工作效率亦會較高喎。

第一手消息請下載on.cc東網iPhone/iPad/Android/Windows Phone Apps