喺熙來攘往大街，有市民突然大嗌「畀人呃」，充滿好奇心嘅運房局局長炳炳上前睇吓發生乜事，諗住安撫市民情緒，點知……

市民：我畀人呃呀，冇天裝呀！

炳炳：唔使怕，我幫你報警。

市民：冇用，報警都冇用呀！

炳炳：報警都冇用？咁我有咩可以幫到你？

市民：你企喺度咪走，你咪就係嗰個犯人！

炳炳：吓，講清楚咩事好喎，唔好亂咁老屈……

市民：廣深港高鐵勁超支，又大耍左袋換右袋財技，卑鄙到死，我哋呢啲小市民仲唔係中咗世紀大騙局陷阱，畀政府呃咗？

炳炳：……工程造價封咗頂啦，冇得再呃。

市民：超支嘅錢最後咪又係喺我哋荷包度攞，唔係世紀大騙局，咁咪即係世紀無底潭囉。

第一手消息請下載on.cc東網iPhone/iPad/Android/Windows Phone Apps